Në orën 10:00 ka nisur mbledhja e Komisionit të Ligjeve në Bashkinë e Tiranës, ku po shqyrtohet kërkesa e këshilltarëve socialistë për shkarkimin e kryebashkiakut Erion Veliaj.
Mbledhja ka në fokus aspektet procedurale të kësaj kërkese, ndërsa vendimi final do të merret në mbledhjen e Këshillit Bashkiak, e cila është parashikuar të zhvillohet sot në orën 16:00.
Veliaj, i cili ndodhet në arrest që prej muajit shkurt, ka kërkuar të jetë i pranishëm në seancën e këshillit ku do të votohet për shkarkimin e tij nga detyra.
