Adriatik Lapaj reagoi pas zgjedhjes së Endri Shabanit si Avokat i Popullit, me të cilin garoi në koalicion në zgjedhjet e fundit.
Lapaj e quajti Shabanin “shërbëtor të sistemit dhe të Edi Ramës” dhe shtoi:
“Çdo ditë në orën 17:00 takohemi te Kryeministria! Pasi votoi si skuth për kukullën e vet për Avokat Populli, Edi i PANGOPUR u pa të vërtitej te zyrat e qeverisë si lugati natën. Sot nuk u zgjodh Avokati i Popullit, por u shpërblye shërbëtori i sistemit dhe Edi Ramës. Edi Rama na ke përballë zyrës.”
Endri Shabani u zgjodh Avokat i Popullit me 85 votapro dhe 3 kundër në Kuvend, mes gjashtë kandidatëve në garë. Procesi u shoqërua me debate, ndërsa opozita braktisi seancën duke akuzuar mazhorancën për “pazar politik”.
