Flutura Açka ka kritikuar ashpër ish-bashkëpunëtorin e saj politik, Gazment Bardhi, duke e quajtur një faktor përçarës brenda Partisë Demokratike dhe një “fashist” që ka përdorur mediat për të sulmuar miqtë e tij.
Deklarata e saj vjen pas spekulimeve se Bardhi mund të marrë drejtimin e Grupit Parlamentar të PD-së në Kuvendin e ri të shtatorit.
Postimi
Dëgjoj lart e poshtë gjithfarë brengash se kush do të jetë Kryetar i Grupit Parlamentar të PD-së, së asaj cope të rrudhur e katandisur, edhe nga dorëzania naive a petfide e Gazit.
Me statut, me staturë, me aftësi pekulesh ndaj Sali Berishës, por edhe sepse është mirëfilli politikan, i takon Luçiano Boçit. Unë kam qejfprishje me të prej sjelljes që nuk e meritoja prej tij në fushatën zgjedhore të vitit 2021. Por jam mësuar të them të vërtetën. Atij i takon të jetë Kryetar Grupi, sepse në foltore do t’i thotë dy fjalë të mençura.
Nëse z. Berisha vendos t’ia japë grupin Gazit, një humbësi ekzemplar, një përçarës që nuk ka shok, një “fashist” të vogël mikrofonash dhe piroman i karrigesh, një keqpërdorues të medias kundër miqve, do të thotë i ka borxhe të mëdha, pse jo, edhe ri-kontrollon PD-në.
Se kur ka filluar kjo “miqësi”, do të parë me kujdes. Mund të ketë qenë qysh në krye, dhe nuk e kemi ditur. Pra, na shihte në sy, na e shante Sali Berishën (të cilin nuk e njihja, as sot nuk e njoh nga afër dhe flas për të vetëm politikisht) dhe bashkëpunonte me të gjithë kohën. Nga darka e Ukës? Besoj më herët.
Nëse Gazi bëhet kryetar i Grupit të PD, ai ka qenë në lojë të plotë, jo thjesht se i dogji barku me bashku PD-në, jo thjesht nga pakënaqësia e humbjes ndaj Lulzim Bashës. Sepse, Lulzim Basha nuk mundi të fitojë më 2021 me 30 mijë e kusht vota, ndërsa Sali Berisha humbi thellë me 330 mijë vota më 2025.
Se cili ka qenë roli i tyre në këtë pazëll, në pak javë do të jetë e qartë. Ndoshta u fortifikua enkas PD për të ngritur alibinë epike të 8 janarit! Ndoshta edhe prandaj na la në rrugë Amerika, të cilës, mbase kemi dashur t’ua hedhim!
Kureshtare jam për cubërinë politike!
Nga Flutura Açka
