Partia Socialiste dhe Partia Demokratike kanë gjetur sërish gjuhën e përbashkët në seancën e sotme parlamentare, këtë herë për emërimet në Komisionin Rregullator për Zgjedhjet. Bashkimi i votave i dha përparësi Iliriana Nanos dhe Arben Ristanit, të cilët u zgjodhën anëtarë të Komisionit Rregullator në KQZ.
Përveç tyre, rikonfirmohen në detyrë Dritan Çaka dhe Helga Vukaj, ndërsa një emër i ri, Bledar Skënderi, iu shtua përbërjes së komisionit.
Rezultatet e votimit ishin si më poshtë:
Iliriana Nano – Kryetare e Komisionit Rregullator: 116 vota pro, 2 abstenime, 2 kundër.
Arben Ristani – Anëtar: 111 vota pro, 7 kundër, 2 abstenime.
Dritan Çaka – Anëtar: 116 vota pro, 2 kundër, 2 abstenime.
Bledar Skënderi – Anëtar: 113 vota pro, 5 kundër, 1 abstenim.
Helga Vukaj – Anëtare: 112 vota pro, 6 kundër, 3 abstenime.
