Sipas raportit më të fundit vjetor të organizatës ndërkombëtare Freedom House, me seli në Uashington, Kosova dhe Shqipëria janë klasifikuar si vende “pjesërisht të lira”. Raporti i vitit 2026 për Lirinë në Botë tregon se Kosova ka shënuar një përmirësim të lehtë, duke marrë 61 pikë nga 100, një pikë më shumë krahasuar me vitin e kaluar.
Dokumenti i publikuar më 19 mars, gjykatat në Kosovë kanë treguar pavarësi në vendimet e tyre, edhe pse janë përballur me presione të konsiderueshme politike. Raporti thekson gjithashtu se kriza politike dhe institucionale që goditi vendin gjatë vitit të kaluar, periudhë gjatë së cilës Kosova u qeveris kryesisht nga një qeveri në detyrë, ka ndikuar në progresin e institucioneve gjyqësore.
Në të njëjtin raport, Shqipëria vlerësohet më lart se vendet e tjera të rajonit, duke arritur 69 pikë. Pas saj renditet Mali i Zi me 68 pikë dhe Maqedonia e Veriut me 67 pikë. Ndërkohë, Serbia ka një renditje më të ulët me 53 pikë, ndërsa Bosnja e Hercegovina vlerësohet me 54 pikë.
