Kryeministri Edi Rama, ka komentuar sërish vendimin e pezullimit të ish-zv/kryeministres Belinda Balluku, e cila është dërguar për shqyrtim në gjykatën Kushtetuese.
Në podcastin “Flasim” Rama e cilësoi një precedent të rrezikshëm atë që ndodhi në GJKKO, ku sipas tij, një prokuror dhe një gjykatës u bënë bashkë duke shkarkuar një ministër dhe zv/kryeministre.
"Një debat i hatashëm ka mbushur boshllëkun e klubeve mediatike e të pasqyrave sociale të javës, pasi një prokuror dhe një gjykatës u bënë bashkë, kokë më kokë e pezulluan një anëtar të kabinetit qeveritar. Unë nuk dua të hyj në asnjë debat për një absurditet kaq të rrezikshëm sa ky dhe pres me durim që Gjykata Kushtetuese t’i japë drejtim çështjes së kësaj rruge të pashkelur askund në Europë, po mesa jemi informuar deri tani, askund edhe në botë", tha Rama.
Ai gjithashtu duke iu referuar Komisionit të Venecias dhe Gjykatës Evropiane të Strasburgut, tha se këto institucione e quajnë cënim të balancës së pushteteve shkarkimin e një ministri.
Rama pretendon se sipas këtyre organeve të drejtësisë, ministrat kanë funksione politike dhe jo administrative.
