Kryeministri Edi Rama, në mbledhjen e fundit të grupit parlamentar të PS-së, u ka dhënë “këshilla të qarta” deputetëve të rinj për të qenë të kujdesshëm me komunikimin si me gazetarët, ashtu edhe në takime të tjera zyrtare.
Në fakt këshilla është një urdhër që deputetët socialistë e kanë marrë tashmë edhe në legjislaturat e mëparshme. Kjo është një metodë klasike e Ramës për të shmangur gafat që mund të bëjnë deputetët e rinj, por edhe për të lënë vëmendjen mediatike tek kundërshtari.
Në fakt shqetësimi i Ramës është i drejtë duke qenë se shumica e tyre janë fytyra të reja, që kanë hyrë përmes listës së mbyllur dhe nuk kanë shumë eksperiencë politike për të zotëruar retorikën publike.
Pra, me pak fjalë, ata duhet të zbatojnë vetëm porositë, kur duhet të ngrejnë kartonin jeshil në parlament dhe kur i kuqi.
