Kryeministri Edi Rama vijon sulmet ndaj përfaqësuesve të sistemit të drejtësisë që sipas tij pengojnë zbatimin e vendimeve dhe interesin publik. Pas akuzave për prokuroren Gjeli dhe gjyqtarin Balliu, sot Rama ka denoncuar gjykatësin Klarent Demiri për dy vendime që pengojnë çlirimin e hapësirave publike dhe zbatimin e programeve qeveritare në dobi të qyteteve dhe Shqipërisë 2030.
Kryeministri paralajmëron se nuk do të tolerohet më keqpërdorimi i pavarësisë së pushtetit gjyqësor dhe do t’i drejtohet organeve të pavarura të kontrollit të gjyqësorit.
Postimi
???? Çfarë duhet të ketë ngrënë gjykatësi Klarent Demiri kur ka marrë vendimin për të penguar ekzekutimin e vendimit të çlirimit të kësaj “toke të xanun”? Dhe nuk ka marrë një, po dy vendime të tilla, duke u shquar si i vetmi gjykatës deri tani që i ka rënë ndesh haptaz interesit publik, interesit të komuniteteve për çlirimin e hapësirave të tyre publike dhe zbatimit të programit të qeverisë në dobi të qyteteve e në funksion të Shqipërisë 2030 në BE????????????️????????
Një gjë është pak po e sigurtë, ne nuk do ta tolerojmë më as në heshtje, as duarlidhur asnjë përfaqësues të pushtetit të pavarur gjyqësor, që pavarësinë e tij do ta keqpërdorë për të cënuar pavarësinë e pushtetit ekzekutiv, duke penguar përmes shpërdorimit arbitrar të detyrës së vet zbatimin e programeve, projekteve apo vendimeve në interes të publikut❌
Edhe për gjykatës Demirin do t’i drejtohemi organeve të pavarura të qeverisjes e të kontrollit të gjyqësorit, njësoj si për Gjelin dhe për Balliun, duke vazhduar të shpresojmë se këto organe jetike për mirëqeverisjen e gjyqësorit do të dalin nga zona e komfortit ku janë rehatuar, ndërkohë që Reforma në Drejtësi kërkon në radhë të parë përkushtimin, profesionalizmin e kurajon e tyre????
