Ashtu si dhe paralajmëroi në konferencën për shtyp të paradites, Kryeministri Edi Rama ka dorëzuar para dy orësh një kërkesë në Gjykatën Kushtetuese lidhur me vendimin e GJKKO për pezullimin nga detyra të zv kryeministres Belinda Balluku, duke pretenduar mosmarrëveshjen e kompetencës midis Kryeministrit dhe Këshillit të Ministrave nga njëra anë dhe GJKKO nga ana tjetër. Objekt i mosmarrëveshjes është përcaktimi se cili prej këtyre palëve ka të drejtën e pezullimit nga detyra të një anëtari të Këshillit të Ministrave.
Në pritje të marrjes së vendimit, Gjykata Kushtetuese nuk ka afat të përcaktuar, nuk ka afate ligjore të përcaktuara për ta marrë në shqyrtim kërkesën e Kryeministrit. Por duke pasur parasysh dinamikën e zhvillimeve, mund ta vendosë në prioritetet e punës së saj. Për këtë arsye, Kryeministri ka kërkuar dhe pezullimin e efekteve të vendimit të GJKKO deri sa të shprehet Gjykata Kushtetuese.
Më poshtë arsyetimi ligjor që shoqëron kërkesën e kryeministrit drejtuar Gjykatës Kushtetuese:
Zgjidhjen kompetencës së krijuar ndërmjet Kryeministrit dhe Këshillit të Ministrave, nga njëra anë, dhe Gjykatës së Posaçme kundër Korrupsionit dhe Krimit të Organizuar (GJKKO), nga ana tjetër, lidhur me pezullimin e ushtrimit të detyrës së anëtarit të Këshillit të Ministrave;
Shfuqizimin e vendimit nr.118, datë 19.11.2025, të GJKKO-së, për pjesën që ka disponuar vendosjen e masës ndaluese
Pezullimin e efekteve të vendimit të mësipërm të GJKKO-së, deri në përfundimin e gjykimit të kësaj kërkese nga Gjykata Kushtetuese;
Interpretimin e pikës 3, të nenit 103, të Kushtetutës
