Kreu i SPAK Altin Dumani dhe Prokurori i Përgjithshëm Olsian Çela kanë refuzuar ftesën për të marrë pjesë në seancën e parë për konstituimin e Parlamentit të dalë nga zgjedhjet e 11 majit 2025.
Dy karriget e rezervuara për ta mbetën bosh, sikurse u vu re nga fotot e shpërndara në media nga salla e seancave plenare. Arsyet e mungesës së Dumanit dhe Çelës nuk janë bërë publike.
Në seancën e parë të legjislaturës së re të Kuvendit të Shqipërisë u shënuan tensione, pasi opozita bllokoi foltoren, duke u bërë shkak që seanca të shtyhet për në orën 17.00.
