Partia Demokratike nuk ka arritur të sigurojë miratimin e Partisë Socialiste për ngritjen e dy komisioneve hetimore, një për çështjen “McGonigal” dhe tjetri për zgjedhjet e 11 majit.
Në mbledhjen e sotme të Konferencës së Kryetarëve, mazhoranca ka kërkuar më shumë argumente dhe sqarime lidhur me këto kërkesa, ndërsa vendimi përfundimtar do të merret gjatë seancës plenare të 30 tetorit.
Sa i takon mocionit me debat për situatën në Spitalin Onkologjik, socialistët kanë propozuar që tema të trajtohet nëpërmjet një interpelance me Ministren e Shëndetësisë, duke vendosur një afat prej 30 ditësh për dhënien e përgjigjes.
