Drejtuesi politik i Partisë Socialiste në qarkun e Vlorës, Bledi Çuçi, zhvilloi të premten një mbledhje me kryesinë e këshilltarëve socialistë në qytet. Takimi kishte në fokus përzgjedhjen e kandidatit që do të garojë në zgjedhjet e pjesshme vendore, të cilat pasuan dorëheqjen e ish-kryebashkiakut Ermal Dredha.
Burime nga mbledhja bëjnë me dije se emri më i përfolur për të marrë drejtimin e bashkisë është ai i Elis Halilit, aktualisht nënkryetar i Bashkisë së Vlorës. Këshilltarët socialistë pritet ta propozojnë atë si kandidaturën zyrtare në garën e ardhshme.
