Grupi Parlamentar i Partisë Socialiste ka paraqitur një kërkesë për përjashtimin deri në 60 ditë nga Kuvendi të deputetit Sali Berisha. Sipas socialistëve, kreu i Partisë Demokratike ka përdorur gjuhë fyese dhe ofenduese ndaj ambasadorit të Bashkimit Europian në Tiranë, Silvio Gonzato. PS e argumenton këtë masë si një ndëshkim për përdorimin e një fjalori të papërshtatshëm në sallën plenare.
Kujtojmë se një ditë më parë, gjatë seancës plenare, Berisha u shpreh kundër projektligjit për barazinë gjinore.
Ndërkohë, Partia Demokratike ka depozituar një kërkesë për përjashtimin me 10 ditë të ministrit të Brendshëm, Taulant Balla.
