Endri Shabani është zgjedhur Avokat i Popullit me 85 vota pro dhe 3 kundër në Kuvend, mes gjashtë kandidatëve në garë. Procesi u shoqërua me debate, ndërsa opozita braktisi seancën duke akuzuar mazhorancën për “pazar politik”.
Pavarësisht se deputetët e opozitës kishin dorëzuar 316 firmat mbështetëse për 6 kandidatë, ata pretenduan se nënshkrimet nuk përbënin domosdoshmërisht propozim zyrtar, duke kërkuar një rihapje të procesit dhe rikoleksion firmash për vetëm dy emra: Adriana Kalaja dhe Besim Ndregjoni.
Debati u përshkallëzua me akuza dhe ironi mes palëve, duke çuar edhe në ndërprerjen e seancës.
Në përfundim, Shabani u votua me mbështetjen e mazhorancës dhe me firmat e opozitës.
