Përfaqësues të Partisë Demokratike kanë njoftuar Policinë e Tiranës për zhvillimin e një tubimi ditën e sotme, nga ora 18:00 deri në 20:00, para Kryeministrisë. Në zbatim të ligjit “Për tubimet”, Policia ka marrë një sërë masash për garantimin e rendit dhe qarkullimit.
Masa për parkimin dhe qarkullimin
– Nga ora 14:00, nuk do të lejohet parkimi i automjeteve në:
• Bulevardin “Dëshmorët e Kombit”
• Sheshin “Nënë Tereza”
• Rrugën “Ismail Qemali”
• Rrugën “Papa Gjon Pali II”
• Bulevardin “Zhan D’Ark”
• Bulevardin “Bajram Curri”
– Nga ora 15:00 deri në përfundim të tubimit, do të ketë bllokim të qarkullimit të automjeteve në:
• Bulevardin “Dëshmorët e Kombit”, nga Ministria e Brendshme deri te Sheshi “Nënë Tereza”
• Rrugët “Ukraina e Lirë”, “Papa Gjon Pali II” dhe “Ismail Qemali”
Policia paralajmëron se, në varësi të dinamikës së tubimit, mund të vendosen kufizime edhe në akse të tjera, ndërsa qarkullimi i automjeteve do të devijohet në rrugë alternative për të lehtësuar lëvizjen e qytetarëve.
