Mbeten vetëm pak minuta nga nisja e protestës kombëtare të PD para kryeministrisë. Dhjetëra qytetarë dhe simpatizantë të PD janë drejtuar para godinës së qeverisë.
Është vendosur tashmë kordoni policor para Kryeministrisë, të organizuar në vetëm një rresht me efektivë të pajisura me skafandra dhe maska kundragaz.
Po ashtu janë vendosur barriera metalike për të kufizuar lëvizjen e protestuesve pranë institucioneve shtetërore.
Rreth 1350 efektivë policie do të jenë të angazhuar në protestën e sotme, ndërkohë policia ka njoftuar dhe planin e masave për mbarëvajtjen e tubimit.
