Prokurori i Përgjithshëm, Olsian Çela, dhe drejtuesi i SPAK, Altin Dumani, do të raportojnë të hënën, më 27 tetor, në Kuvendin e Shqipërisë për rezultatet e punës 1-vjeçare të institucioneve që ata drejtojnë.
Çela do të flasë para deputetëve të Kuvendit lidhur me gjendjen e kriminalitetit në vend, duke u bazuar në shifra konkrete dhe sipas secilit qark. Ndërsa Dumani do të raportojë për luftën kundër korrupsionit dhe krimit të organizuar.
Fokusi në rastin e Dumanit do të jetë tek hetimet për zyrtarët e lartë. Ilir Rusi, kreu i Këshillit të Lartë të Drejtësisë; Mirela Bogdani e Këshillit të Lartë të Prokurorisë; si dhe drejtuesi i ILD-së, Artur Metani, do të paraqesin raportet e punës së tyre në Parlament.
