Presidenti i Republikës, Bajram Begaj, ka dekretuar ligjin për “Paqen Fiskale”, pavarësisht kundërshtimeve të shprehura nga Fondi Monetar Ndërkombëtar (FMN), Dhoma Amerikane e Tregtisë dhe Bashkimi Evropian.
Dhoma Amerikane e Tregtisë ka theksuar mungesën e konsultimit dhe transparencës gjatë hartimit të ligjit, ndërsa FMN ka paralajmëruar se “Paqja Fiskale” minon progresin e arritur në administrimin tatimor dhe rrezikon qëndrueshmërinë fiskale të vendit.
Dekreti është firmosur në mbështetje të nenit 84, pika 1 dhe nenit 93 të Kushtetutës së Republikës së Shqipërisë, duke i hapur rrugë hyrjes në fuqi të ligjit.
Sipas qëllimit të deklaruar, ligji për “Paqen Fiskale” synon rregullimin e marrëdhënieve financiare dhe fiskale, si dhe krijimin e lehtësive për subjektet që kanë detyrime të prapambetura ndaj shtetit.
Dekreti mban numrin 21 dhe është nënshkruar në Tiranë, më 12 janar 2026.
