Policia e Shtetit ka kallëzuar në Prokurori kreun e nismës “Shqipëria Bëhet”, Adriatik Lapaj, lidhur me protestën që ka nisur përpara godinës së Kryeministrisë. Sipas autoriteteve, Lapaj akuzohet se ka organizuar grumbullime dhe ka zaptuar hapësirën publike, duke penguar qarkullimin e lirë të qytetarëve dhe mjeteve.
Njoftimi i Policisë
Specialistët për Hetimin e Krimeve në Komisariatin Nr. 1 bënë të ditur se materialet procedurale janë referuar në Prokurori për shtetasin A. L., me dyshimin se ai ka kryer grumbullime dhe ka zënë hapësirën publike përpara Kryeministrisë, duke shkaktuar pengesë në lëvizje.
Protesta e nisur nga Lapaj vijon përpara institucioneve qendrore, ndërsa organet ligjzbatuese po kryejnë procedurat përkatëse.
