Gazment Bardhi, kreu i Grupit Parlamentar të Partisë Demokratike, është përjashtuar për 15 ditë nga punimet e Kuvendit. Vendimi u mor sot nga Sekretariati i Etikës, pas një kërkese të paraqitur nga Partia Socialiste.
Fillimisht, PS kishte kërkuar 30 ditë përjashtim për Bardhin, por Sekretariati vendosi të aplikojë masën prej 15 ditësh.
Bardhi akuzohet nga mazhoranca për ofendim ndaj kryetarit të Kuvendit, Niko Peleshi. Gjatë seancës së fundit plenare, ai iu drejtua Peleshit duke e quajtur “të paaftë”. Pas vendimit të Peleshit për ta përjashtuar nga seanca, Bardhi refuzoi të largohej nga salla.
