Grupi parlamentar i Partisë Demokratike ka nisur nga dita e sotme bojkotin e përkohshëm të punimeve në Kuvend, duke mos marrë pjesë në Komisionet Parlamentare.
Vendimi u mor një ditë më parë, ndërsa kreu i grupit parlamentar, Gazment Bardhi, u ka dërguar mesazh deputetëve demokratë, duke theksuar se asnjë prej tyre nuk duhet të jetë pjesë e komisioneve.
Ky qëndrim i opozitës vjen pas zgjedhjeve të pjesshme vendore në 5 bashki.
Ndërkohë, kryeministri Edi Rama ka reaguar i entuziazmuar për fitoren e Partisë Socialiste, duke e cilësuar atë si një sukses pavarësisht, sipas tij, “dobësisë ekstreme të opozitës” dhe motit të keq ditën e votimit.
Me tone triumfuese, Rama shkroi:
5 bashki, 5 fitore dhe 5 arsye më shumë për t’i falënderuar qytetarët për besimin e tyre, pavarësisht dobësisë ekstreme të opozitës, motit me shi të ditës së djeshme, apo vetë natyrës së zgjedhjeve të pjesshme, të cilat nuk e stimulojnë pjesëmarrjen.
Kryeministri uroi gjithashtu kryebashkiakët e rinj
