Partia Demokratike ka vendosur që përfaqësuesit e saj të marrin pjesë në debatet televizive vetëm nëse përballë do të kenë përfaqësues të Partisë Socialiste. Vendimi është bërë i ditur nga Sali Berisha gjatë mbledhjes së sotme të grupit parlamentar.
Berisha theksoi se opozita nuk do t’i përgjigjet më, sipas tij, strategjisë së mazhorancës dhe të Edi Ramës, e cila synon që opinioni publik të merret vetëm me opozitën, duke shmangur problemet reale të qytetarëve shqiptarë.
Sipas udhëzimit të ri, asnjë nga zyrtarët e PD nuk do të jetë më i pranishëm në studio televizive përballë analistëve, të cilët Berisha i cilësoi si “në shërbim të qeverisë”. Ai shtoi se kjo situatë përbën “efektin më të madh të censurës” në vend.
