Grupi Parlamentar i PD do të kërkojë ngritjen e një komisioni hetimor për kontrollin e ligjshmërisë në funksionimin e Agjencisë Kombëtare të Shoqërisë së Informacionit (AKSHI), si dhe për vlerësimin e sigurisë kibernetike dhe mbrojtjes së të dhënave personale.
Gazment Bardhi, pas mbledhjes tha se komisioni synon të analizojë në mënyrë të detajuar funksionimin e AKSHI-t, duke përfshirë rreziqet që lidhen me sigurinë kombëtare.
Ai theksoi se është detyrim që rrjedh edhe nga anëtarësimi i Shqipërisë në NATO.
Bardhi i bëri thirrje mazhorancës që të mos pengojë ngritjen e komisionit hetimor, duke e cilësuar këtë si një të drejtë kushtetuese të opozitës.
