Grupi Parlamentar i PD ka kallëzuar në SPAK ministrin e Brendshëm, Besfort Lamallarin, si dhe 8 drejtues të Policisë së Shtetit, në lidhje me ngjarjet e ndodhura gjatë protestës së së premtes.
Sipas kallëzimit, gjatë protestës pati përplasje mes qytetarëve dhe forcave të rendit, ndërsa policia dyshohet se ka përdorur bombola gazi në drejtim të protestuesve. Si pasojë, janë raportuar të lënduar, përfshirë qytetarë dhe deputetë, por edhe efektivë policie.
Kallëzimi penal është dorëzuar paraditen e kësaj të hëne në Prokurorinë e Posaçme, ku pritet të nisë shqyrtimi i çështjes.
