Chris LaCivita
Drejtuesi i fushatës së Partisë Demokratike për zgjedhjet e 11 majit, strategu amerikan Chris LaCivita, është paguar me 139,111,686 lekë për shërbime konsulence.
Shifra është bërë publike nga raporti financiar që PD dorëzoi sot në Komisionin Qendror të Zgjedhjeve.
Sipas dokumentit zyrtar, pagesat ndaj kompanisë së LaCivitës, “Advancing Strategies”, janë kryer në katër këste, më 11 shkurt, 16 mars, 24 mars dhe 26 maj 2025. Shumat përkatëse të faturave variojnë nga 435 mijë deri në 482 mijë lekë, duke përbërë në total mbi 139 milionë lekë.
Kjo është hera e parë që PD publikon zyrtarisht detajet e kontratës me konsulentin amerikan, i cili udhëhoqi strategjinë e komunikimit dhe menaxhimin elektoral gjatë fushatës së 11 majit.
