Deputeti i Lëvizjes Bashkë, Redi Muçi, akuzoi sot në Kuvend mazhorancën dhe opozitën për “patriotizëm fals”, duke thënë se palët po përfitojnë politikisht me akuza të ndërsjellta.
Muçi sugjeroi që njëra palë të pranojë gjenocidin serb në Kosovë dhe pastaj të shkojnë së bashku në tubimin për krerët e UÇK-së, dhe i kritikoi të dyja palët për keqqeverisje dhe vjedhje fondesh.
“U bënë dy orë që në këtë seancë i bihet gjoksit se kush e do më shumë Kosovën. Duke akuzuar në mënyrë të ndërsjelltë se kush ka bërë akuza me Vuçiçin dhe kush e ka bërë me Milosheviçin. Ka një zgjidhje farë të thjeshtë, njëra palë le të pranojë gjenocidin në Kosovë dhe gjithë së bashku le të shkojmë në tubimin për krerët e UÇK-së. Nuk ka pse të vazhdojë kjo farsë këtu e dy orë. Sa i përket patriotizmit dhe dashurinë për atdheun, e keni dëshmuar të dyja palët, për të keqqeverisur shqiptarët, për të vjedhur fondet. E treguat edhe sot”, tha Muçi.
