Ilir Alimehmeti ka shfaqur ambicien për të kandiduar për Bashkinë e Tiranës vitin e ardhshëm, vetëm pak ditë pas vendimit të Sali Berishës për të mbyllur derën e kandidimit të Florian Binajt. Në një intervistë për Top News, Alimehmeti theksoi se gjithçka varet nga mënyra se si do të organizohen garat brenda Partisë Demokratike.
“Për Tiranën duhet një vendim shumë politik dhe nuk do të jetë e thjeshtë. Unë objektivin tim e kam pasur gjithmonë, nuk lëviz, vazhdon po i njëjti,” deklaroi ai.
Megjithatë, mbetet për t’u parë nëse dëshira e tij do të marrë miratimin e Berishës, i cili kohët e fundit ka qenë i përfshirë në përjashtime të anëtarëve demokratë që i janë bashkuar lëvizjes së Salianjit. Kujtojmë se kjo lëvizje, e cila synon ndryshime në lidershipin e partisë, u nisi nga Salianji në bashkëpunim me Alimehmetin, i cili u shfaq vetëm në takimin e parë dhe nuk mori pjesë më tej.
Prandaj, për të siguruar një kandidaturë, Alimehmetit i nevojitet të rikuperojë besimin te lideri i PD-së. Dhe kjo duket se është iniciativa që ai ka nisur, kur përjashton çdo mundësi për të kandiduar për poste drejtuese brenda partisë.
