Pas takimeve të Ervin Salianjit me demokratë, selia blu është vënë menjëherë në lëvizje.
Partia Demokratike ka nxjerrë një udhëzim të posaçëm për nisjen e analizës së brendshme pas zgjedhjeve të 11 majit 2025, duke e bërë procesin emergjent dhe të detyrueshëm në të gjitha degët e vendit.
Dokumenti, i firmosur nga Sekretari i Përgjithshëm Flamur Noka, mban numrin e protokollit 650 dhe datën 2 dhjetor 2025. Ai vjen në një kohë kur Salianji ka njoftuar dhe ka realizuar takime në degët lokale të PD, ku e nisi një ditë më parë nga Durrësi.
Udhëzimi detyron të gjitha degët e PD-së të nisin një proces të gjerë analize.
Publikimi i këtij udhëzimi vjen në një kohë kur paralelisht kanë nisur takimet e Salianjit. Aktivizimi i tij në bazë është lexuar si sinjal për rritje të ndikimit dhe tentativë për të pozicionuar veten në proceset që PD pritet të hapë së shpejti.
