Pas lavdeve për Ramën, Ilva Gjuzi kopjon deputeten gjermane për të kapur vëmendjen e mediave Deputetja e Partisë Socialiste, Ilva Gjuzi, është shfaqur ditën e sotme në Komisionin për Burimet Natyrore, Infrastrukturën dhe Zhvillimin e Qëndrueshëm me fëmijën e saj në krahë.
Nuk dihet sa do bindet publiku nga ideja se zonja Gjuzi nuk paskësh me kë të lërë fëmijën në shtëpi dhe që bën gjithë këtë “sakrificë” për të qenë prezent në një komision që sot u konstituua. Megjithatë veprimi i saj është një kopje e shëmtuar e deputetes gjermane, Hanna Steinmüller e cila shkoi në Bundestag me foshnjën e saj në krahë dhe u bë kryefjalë në mediat e huaja.
Mesa duket, edhe zonja Gjuzi s’e pati problem të përdorte të njëjtin “skenar” për të kapur disa tituj portalësh. E ka provuar më parë dhe i ka funksionuar: karrierën politike brenda PS-së e nisi me lavdet e njëpasnjëshme ndaj kryeministrit Edi Rama. Kujtojmë perlat e saj si: “Edi Rama është 10 hapa para të tjerëve” apo “Edi Rama është më përpara se ç’duhet” — deklarata që, me sa duket, vlejnë më shumë se çdo CV politike për të hyrë në një listë të sigurt për deputet.
