Kryeministri Edi Rama do pyetet si dëshmitar në dosjen Partizani. Gjykata e Posaçme pranon kërkesën e mbrojtjes.
Pranohet dhe pyetja e Sali Berishës dhe Jamarbër Malltezi, të cilët janë të pandehur.
I pari që do të pyetet nga dëshmitarët është Taulant Balla, ish-ministër i Brendshëm që është dhe kallëzuesi. SPAK kërkon të pyeten si dëshmitarë Albert Xhani dhe Isa Taren si dhe biznesmeni Paro Laçi. Për t’i lënë kohë prokurorisë të thërrasë dëshmitarët, seanca u shty për në datë 30 prill. Berisha akuzohet për korrupsion në bashkëpunim, ndërsa dhëndrri i tij Jamarbër Malltezi për korrupsion e pastrim parash. Të pandehur janë dhe disa persona të tjerë.
