Partia e Lirisë ka zyrtarizuar krijimin e grupit të saj parlamentar në Kuvendin e Shqipërisë. Ky hap vjen pas bashkimit me tre deputete të Partisë Demokratike, duke mundësuar kështu formimin e një grupi të plotë me numrin e nevojshëm të deputetëve sipas rregullores parlamentare.
Kryetar i grupit të ri parlamentar është zgjedhur deputeti Tedi Blushi, ndërsa nënpresident i grupit do të jetë Edmond Haxhinasto. Përfaqësuese për median do të jetë deputetja Erisa Xhixho, e cila do të mbajë rolin e zëdhënëses, ndërsa Brunilda Haxhiu është zgjedhur Sekretare e grupit.
Tre deputetet që kanë kaluar nga Partia Demokratike në këtë grup janë: Ina Zhupa, Ledina Alolli dhe Klodiana Çapja, duke rritur numrin total të anëtarëve të grupit në shtatë.
Përbërja zyrtare e grupit parlamentar të Partisë së Lirisë është si më poshtë:
Tedi Blushi – Kryetar
Edmond Haxhinasto – Nënkryetar
Erisa Xhixho – Zëdhënëse
Brunilda Haxhiu – Sekretare
Ina Zhupa – Anëtare
Ledina Alolli – Anëtare
Klodiana Çapja – Anëtare
