Debati në Top Story ka degraduar mbrëmë në një përplasje ku nuk munguan as fyerjet apo insinuatat seksuale nga Grida Duma, drejtuese e emisionit, dhe Alfred Lela, zëdhënës kryesor në PD.
Ngjarja që u përhap me shpejtësi në media në thelb nuk ka asnjë peshë për atë që përfaqëson një media kombëtare dhe një parti e madhe në opozitë.
Mes mllefit, inatit dhe batutave, asnjë nga debatuesit nuk arritën të sqarojnë për publikun as përgjegjësit e vërtetë të zjarrit që dogji pallatin në Tiranë dhe as rolin që duhet të ketë opozita në këto ngjarje që prekin direkt interesin e publikut.
Arsyeja: si Grida Duma dhe Alfred Lela përfaqësojnë përkatësisht një biznes mediak dhe një biznes politik me fije të lidhura ngushtë me biznesin që ndërton sot në Tiranë dhe kudo në Shqipëri.
Ndaj thelbi i debatit mbetet gjithmonë jetim dhe publiku ngopet me kotësira dhe mllefe personale që janë konsum i mirë. Pak a shumë si spektaklet e reality show që kanë mpirë mendjen e shqiptarëve.
