Sekretariati i etikës ka përjashtuar me 10 ditë nga punimet e Kuvendit deputetët e PD, Gazmet Bardhin dhe Klevis Balliun.
Vendimi erdhi pas kërkesës së grupit të PS, të cilët kërkuan përjashtimin e kolegëve demokratë pas përplasjeve në seancën plenare të së enjtes së shkuar.
Sekretariati nuk ka vepruar në të njëjtën mënyrë me kreun e grupit parlamentar socialist, Taulant Balla, për të cilin PD kishte kërkuar përjashtimin e tij nga pjesëmarrja në komisione dhe në seancë plenare për 60 ditë.
Ndonëse Balla ishte shkaktari i përplasjeve në Kuvend, Sekretariati nuk ka marrë asnjë masë ndaj tij.
Kujtojmë se seanca e 6 marsit u përfshi nga debate të forta gjatë pasdites së sotme, të cilat çuan në ndërprerjen e seancës plenare.
Kreu i grupit parlamentar të Partisë Socialiste, Taulant Balla, duke folur në foltore tha: “Realisht, nuk kishim një numër telefoni tuajin që t’ju merrnim në telefon dhe t’ju thonim ‘ore, si mendoni ju për këtë?’. 0900, për ty Albana kam këtë numrin”.
Kjo deklaratë nxiti menjëherë reagimin e Gazment Bardhit, i cili u ngrit në këmbë, u afrua drejt foltores dhe iu drejtua Ballës me fjalët: “Shko thuaja gruas tënde atë! Ndyrësitë, i pafytyrë, 0900 e ka jot motër numrin. Burrë legen!”.
Megjithëse të dyja palët janë njësojë fajtor për fjalorin e përdorur, duket se nuk është kështu për Sekretariatin e Etikës i cili është në duart e mazhorancës.
