Mereme Sela është padyshim emri më i klikuar sot në politikën shqiptare, pasi shpalli kandidaturën për të rivalizuar Sali Berishën për kryetar të Partisë Demokratike.
Mbrëmjen e sotme, në një emision televiziv në Report TV, zonja Sela prezantoi kandidaturën e saj dhe një pjesë të platformës që synon të ndjekë në këtë garë.
E pyetur nga gazetarët në studio, ajo nuk shprehu ndonjë simpati të veçantë për gratë e tjera në Partinë Demokratike, duke mos veçuar asnjërën prej tyre.
Mereme Sela tregoi gjithashtu se vjen nga një familje e madhe, me nëntë motra dhe dy vëllezër, e lindur dhe e rritur në Fushë-Krujë. Ajo tha se jeton me familjen e të vëllait dhe se për një kohë të gjatë është kujdesur për fëmijët e tij.
