Përgjatë gjithë natës së mbrëmshme Policia dhe Ushtria kanë vijuar me nxjerrjen jashtë materialet dhe kompjuterët e News 24.
Gazetarët dhe Redaksia e këtij televizioni i kanë bërë thirrje urgjente për ndërhyrje, ambasadave të huaja, institucioneve ligjore, deputetëve të Parlamentit dhe kryetarëve të partive, që të ndërhyrjet pasi nëpër zyra po konfiskohen dhe po merren të dhënat nga kompjuterët e gazetarëve.
Në këto pajisje ndodhen informacione të rëndësishme nga investigime mbi korrupsionin, të cilat jo vetëm që përbëjnë prova të mundshme kundër abuzimeve, por edhe rrezikojnë drejtpërdrejt jetën e gazetarëve dhe burimeve që i kanë siguruar ato.
Thirrja është e qartë: të ndalet menjëherë grabitja e informacionit dhe të garantohen të gjitha standardet e sigurisë dhe lirisë së medias, si një shtyllë themelore e demokracisë në vend.
