Ndërkohë që rrjetet sociale shpërthyen në ironi dhe meme për kandidimin e Mereme Selës, vendimi zyrtar i Partisë Demokratike duket sikur e ka “formalizuar” atë reagim publik në gjuhë burokratike.
KOKOE e skualifikon Selën me argumentin se nuk plotëson kriteret statutore, duke theksuar mungesën e një profili të lartë publik dhe politik, si dhe të eksperiencës drejtuese elektorale në nivel kombëtar apo rajonal.
Pra, ajo që në rrjet u trajtua si humor, në dokument përkthehet si kriter.
Në fund, rezultati është i pastër: të gjithë përjashtohen për arsye “teknike”, ndërsa Sali Berisha mbetet kandidati i vetëm për kryetar të PD-së në zgjedhjet e 23 majit — në një proces që quhet garë, por që nuk pati asnjë moment të tillë.
