Partia Demokratike ka vendosur që më 23 maj do të zhvillohet zgjedhja e kryetarit të partisë, ndërsa Kuvendi Kombëtar i partisë do të mblidhet më 6 qershor.
Në mbledhjen e Kryesisë është vendosur gjithashtu krijimi i një grupi pune për rishikimin e Statutit të partisë. Ky grup do të drejtohet nga Gazment Bardhi si kryetar dhe do të ketë në përbërje këta anëtarë, Oerd Bylykbashi, Ivi Kaso, Gent Strazimiri, Enno Bozdo, Elda Hoti, Keltis Kruja, Adriana Kalaja, Marash Logu, Franc Nuri.
Ky grup pritet të punojë për ndryshimet dhe përditësimin e Statutit të partisë, të cilat më pas do të diskutohen dhe miratohen në forumet e larta të PD-së.
Gjatë mbledhjes është vendosur gjithashtu që zgjedhjet në degët e PD-së në të gjithë vendin të përfundojnë deri më 30 prill.
