Këtë pasdite janë zbardhur vendimet e Këshillit të Ministrave. Si rrallëherë në vendimet e zbardhura, kryeministri Edi Rama ka firmosur secilin prej këtyre vendimeve. Ndër to, shkarkime dhe emërime në detyrë si zëvëndësministra. Si për çudi, emrat e zbardhur janë të njëjtët që janë shkarkuar nga ajo detyrë dhe po kështu emëruar po aty. Rasti konkret Ina Majko shkarkohet dhe emërohet në detyrën e zëvëndësminsitres e Ministrisë së Shëndetësisë dhe Çështjes Sociale, po kështu edhe Enkelejd Musabelliu shkarkohet dhe emërohet zëvendësministër i Ekonomisë, Kulturës dhe Inovacionit. Me sa duket në ditën e parë si nënshkrues i vendimeve Edi Rama e ka patur të veshtirë të rendisë detyrat ndërsa ka emëruar dhe ka shkarkuar të njëjtet njerëz në të njejtat poste.
