Partia Socialiste nuk ka ende një orientim politik lidhur me mandatin e Belinda Ballukut.
Ndërkohë, debatet janë përqendruar në disa pika kryesore. Së pari, sa do të shtyhet procesi dhe, konkretisht, kur do të jetë seanca e radhës. Së dyti, materiali i USB-së pritet të shihet nga të gjithë, përfshirë edhe avokatët. Megjithatë, USB-ja nuk është hapur ende dhe po debatohet mënyra se si duhet të administrohet materiali.
Sipas qëndrimeve të deritanishme, Partia Socialiste kërkon që materiali të shihet aty, pa dalë nga mbledhja. Ndërsa Partia Demokratike kërkon që USB-ja të merret me vete dhe të shqyrtohet deri në mbledhjen pasardhëse.
