Kreu i Lëvizjes Shqipëria Bëhet, Adriatik Lapaj dhe disa qytetarë po vijojnë protestën para Kryeministrisë. Por teksa pritej të zhvillohej tubimi në orën 17:00, Policia ndërhyri për t'i hequr gjeneratorin, dhuruar nga një emigrant shqiptar në Angli.
"Korent nuk na dhanë edhe pse kemi 6 ditë që dërgojmë shkresa te Bashkia Tiranë. Bëra thirrje për ndihmë qytetare për të na sjellë dikush gjenerator. Dritan Toci u nis nga Londra dhe erdhi e bleu dhe e solli"-shkruante Lapaj në Facebook. Ndërkohë aktualisht, Policia ka ndërhyrë ndaj protestuesve duke iu kërkuar të lirojnë trotuarin përpara kryeministrisë.
Lapaj ka debatuar me forcat e rendit, duke thënë se ka leje për këtë tubim.
Na thoni cilin ligj kemi shkelur?”, thotë Lapaj. Ndërkohë policia ka kërkuar heqjen e një gjeneratori për energjinë elektrike, si dhe karrigeve aty pranë.
Protestuesit pretendojnë se janë konform ligjit dhe nuk e kanë shkelur atë, pasi ka të bëjë me një protestë të rregullt.
