GJKKO ka shpallur të pafajshëm deputetin dhe kryetarin e Partisë Mundësia, Agron Shehaj, për veprën penale të shpifjes, në çështjen e ngritur pas deklaratave të tij publike ndaj kreut të lëvizjes “Shqipëria Bëhet”, Adriatik Lapaj.
Sipas vendimit të dhënë nga gjyqtari Erjon Çela, deklaratat e Shehajt nuk përmbushin elementët e veprës penale të shpifjes, edhe pse ai kishte akuzuar Lapajn se kishte marrë para nga krimi i organizuar. Megjithatë, gjykata e ka gjetur Shehajn fajtor për veprën penale të fyerjes, duke e dënuar me një gjobë në vlerën e 300 mijë lekëve.
Në arsyetimin e vendimit, GJKKO thekson se deklaratat e bëra nga Shehaj përbëjnë fyerje ndaj figurës së Adriatik Lapajt, por nuk arrijnë nivelin e shpifjes penale.
Çështja u hap pas padisë së depozituar nga Adriatik Lapaj, i cili e akuzoi Shehajn për shpifje lidhur me pretendimet për lidhje të tij me eksponentë të botës së krimit. Konkretisht, Shehaj kishte deklaruar se Lapaj kishte marrë 4.5 milionë lekë nga një kompani e sekuestruar nga SPAK, e dyshuar për pastrim parash për llogari të një grupi kriminal.
Nga ana e tij, Lapaj i ka mohuar akuzat, duke sqaruar se nuk kishte marrë para nga kompania në fjalë dhe se bëhej fjalë vetëm për detyrime financiare që lidhen me shërbime ligjore të ofruara në cilësinë e avokatit.
Njoftimi
1. I dëmtuari akuzues Adriatik Lapaj me datë 01.04.2025 ka paraqitur pranë Gjykatës
kërkesën për gjykimin e çështjes penale me të akuzuar shtetasin Agron Shehaj, i akuzuar
për kryerjen e veprave penale të “Fyerjes” dhe “Shpifjes”
, parashikuar përkatësisht nga
nenet 119/2 dhe 120/2 të K.Penal.
2. Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtari Erjon Çela, bazuar në nenet
59, 112, 379, 384, 388/1/b, 390, 393 të K.Pr.Penale, si dhe nenet 119/2 dhe 120/2 të
K.Penal, me vendimin nr. 4, datë 21.01.2026 vendosi:
1. Deklarimin fajtor të të akuzuarit Agron Shehaj për kryerjen e veprës penale
“Fyerja”, e parashikuar nga neni 119/2 i K.Penal dhe në bazë të kësaj dispozite
dënimin e tij me 300 000 (treqind mijë) lekë gjobë.
2. Deklarimin e pafajshëm të të akuzuarit Agron Shehaj për kryerjen e veprës
penale “Shpifja”
, e parashikuar nga neni 120/2 i K.Penal, pasi fakti i pretenduar
nuk përbën vepër penale.
3. Afati i pagimit të gjobës do të jetë 6 (gjashtë) muaj nga dita e marrjes formë të
prerë të këtij vendimi.
4. Shpenzimet gjyqësore i lihet në ngarkim të akuzuarit Agron Shehaj.
5. Kundër këtij vendimi mund të bëhet ankim në Gjykatën e Posaçme të Apelit për
Korrupsionin dhe Krimin e Organizuar brenda 15 ditëve, afat i cili fillon nga dita
e nesërme e njoftimit të vendimit.
Tiranë, më datë 2
