Pas Sali Berishës, edhe kreu i lëvizjes “Shqipëria Bëhet”, Adriatik Lapaj, ka njoftuar organizimin e një proteste kundër qeverisë dhe kryeministrit Edi Rama.
Në një postim në rrjetet sociale, Lapaj bën thirrje për pjesëmarrje masive në protestën që do të mbahet të shtunën, më 17 janar, në orën 18:00, përpara Kryeministrisë. Ai nënvizon se kjo protestë është kundër pushtetit të korruptuar, qeverisë kriminale duke theksuar që gjithashtu kërkohet dorëheqja e kryeministrit Edi Rama.
Kujtojmë se po sot edhe Partia Demokratike caktoi datën 24 janar për të mbajtur protestën kombëtare.
Diferenca me një javë mes protestave, tregon edhe një herë se opozita vijon të jetë e ndarë në betejën me qeverinë.
