Adriatik Lapaj ka dalë kundër marrëveshjes mes partive opozitare për të propozuar një kandidat të përbashkët në zgjedhjet e parakohshme për 6 bashkitë.
Lapaj deklaroi se partia e tij është e gatshme të mbështesë një kandidat të pavarur, ose nëse nuk arrihet kjo, do të garojë me një emër nga partia e tij
“Nuk do dal kundër për parim. Nuk dua të jem ai që prish festë. Mënyra se si po procedohet nuk është e duhur. Jemi duke folur për qytetin më të madh në vend. E vërteta është se vihet në këtë pikë sepse sistemi ka penguar prodhimin e elitave. Për të arritur në një kandidat të tillë nuk arrihet për të ulur dy herë Adriatikun në tavolinë apo dikë tjetër. A doni të dini si bashkohemi në këtë histori? Nuk jam shprehur se kemi pritur që dikush të dalë dhe të deklarojë që të kandidojë si i pavarur dhe të kërkoj mbështetjen e kësaj partie apo asaj. Unë nuk mund të jem hipokrit. Jemi të hapur për të mbështetur një kandidat të pavarur. Por ne për të hyrë në një marrëveshje partiake me parti të tjera nuk do të ndodh”,-tha Lapaj.
Ai komentoi gjithashtu një nga emrat e mundshëm për të kandiduar si përfaqësuese e opozitës, Edlira Cepanin, e cila ka qenë një nga themelueset e partisë “Shqipëria Behet”.
Lapaj dhe pse u shpreh kundër bashkimit me partitë opozitare theksoi se emrin që do të mbështeste nga marrëveshja e opozitës do të ishte vetëm ai i Çepanit.
