Gazetarja Klodiana Lala ka bërë një deklaratë të fortë në lidhje me situatën e ish-kryebashkiakut të Tiranës, Erion Veliaj, i cili ndodhet aktualisht ne burg.
Sipas Lalës, pavarësisht pozicionit delikat në të cilin ndodhet, Veliaj nuk do të flasë përpara drejtësisë, edhe pse zotëron informacion të rëndësishëm që, sipas saj, mund të tronditë themelet e qeverisë.
“Erion Veliaj nuk ka për të folur kurrë. Sepse Veliaj ishte njeriu i dytë më i pushtetshëm në Shqipëri. Ai mund të shkatërrojë qeverinë, sepse ka shumë informacion për shkak të pushtetit të gjatë dhe se ka drejtuar Bashkinë më të madhe në vend.
Por Veliaj nuk është në kushtet që mund të flasë. Ai duhet të kishte folur përballë prokurorëve të SPAK. Të cilët i konsideronte kolegë kur ishte jashtë, kur mund të bënte një marrëveshje ndoshta të merrte statusin si i penduhar. Por tashmë është në pozita të tjera”, tha Lala.
