Gjatë seancës plenare të kësaj të enjteje është zhvilluar një debat mes deputetit të PD-së, Agron Shehaj, dhe kreut të Grupit Parlamentar të Partisë Socialiste, Taulant Balla.
Shehaj, teksa kërkoi interpelancë me kryeministrin Edi Rama, u ndal edhe te deklaratat e Ballës. “Del Taulant Balla dhe thotë: ‘Pyesni ChatGPT’. Taulant Balla thotë që s’flet keq për gjykatësit dhe prokurorët. S’ia mban Taulantit. Ky është një ndryshim historik”, tha ai.
Balla iu përgjigj duke e kritikuar mënyrën e komunikimit të Shehajt. “E dëgjoj shpesh këtë deputetin që për t’u bërë interesant në rrjetin e tij social bërtet. Ti, kur të përmendësh emrin tim, laje gojën dhe bëje gargarën me ujë të kripur të Vlorës”, u shpreh ai.
Ai shtoi gjithashtu se “po u pendua Lul Basha, do tregojë sa para i ke dhënë për të marrë mandatin në 2017”.
