Në seancën e sotme, Kuvendi miratoi përbërjen e Komisioneve Parlamentare për Legjislaturën e XI. Në votimin që u zhvillua në orën 17:00, opozita mungoi, duke bërë që miratimi të kalojë vetëm me votat e mazhorancës. Megjithatë, emrat e kryetarëve për 3 komisionet, të cilat u rezervuan për opozitën, mbeten ende për t’u konfirmuar.
Ndërkohë, emrat e kryetarëve, nënkryetarëve dhe sekretarëve për 7 komisionet e tjera në drejtim të mazhorancës u miratuan me shumicë votash gjatë seancës.
E gjithë procedura zgjati vetëm rreth 4 minuta, dhe pas miratimit me 77 vota pro dhe 1 kundër, kryeparlamentari Peleshi shpalli seancën të mbyllur.
Tani pritet që në seancën e ardhshme të miratohen në Parlament dekretet e presidentit Bajram Begaj për emrat e kabinetit të qeverisë Rama 4.
