Presidenti i Republikës, Bajram Begaj, ka firmosur sot dekretin për thirrjen e seancës së parë të legjislaturës së 11-të të Parlamentit të Shqipërisë. Sipas dekretit presidencial, Kuvendi do të mblidhet më 12 shtator 2025, në orën 10:00. Me këtë rast, Kreu i Shtetit u ka drejtuar një mesazh deputetëve të rinj, duke i ftuar që ta ushtrojnë mandatin e tyre me përgjegjësi të plotë dhe në shërbim të interesit publik.
Me zgjedhjen e kësaj date, pritet që në seancën e parë të jenë të pranish dhe ministrat e rinj të qeverisë Rama 4, pasi Asambleja e Partisë Socialiste, ku do të bëhen publik emrat e kabinetit, do të mblidhet më 11 Shtator.
