Kryeprokurori Olsian Çela, gjatë raportimit në Kuvend, theksoi se Kodi Penal aktual në Shqipëri është mjaft i ashpër dhe seburgu nuk mund të jetë zgjidhja e vetme për problemet e shoqërisë.
Ai u shpreh se çështjet penale janë komplekse dhe se përpjekjet vetëm për ashpërsimin e dënimeve me burgim shkojnë kundër parimit të humanizmit.
“Kodi që kemi është i mjaftueshëm dhe disa nga propozimet që kemi shqyrtuar e konfirmojnë këtë. Nuk shohim nevojën për një ashpërsi shtesë, sepse burgu nuk mund të jetë zgjidhja e vetme e problemeve shoqërore”, tha Çela.
Ai shtoi se qasja e duhur është një kombinim i zbatimit të ligjit me vlerat e humanizmit, duke u përpjekur të arrijë një balancë midis drejtësisë dhe respektit për njeriun.
