Kryeministri Edi Rama ka reaguar në rrjetin social X lidhur me vendimin e sotëm të Gjykatës Kushtetuese për mbylljen e rrjetit social TikTok, duke e cilësuar atë si një cenim të fjalës së lirë. Ai ironizoi qëndrimin e Gjykatës, duke theksuar se sipas këtij vendimi duket sikur 90% e prindërve dhe mësuesve shqiptarë kanë qenë gabim kur kërkuan mbylljen e përkohshme të platformës.
Sipas tij, mbyllja e përkohshme e TikTok solli rezultate konkrete, pasi kompania ndërmori masa shtesë për kontrollin dhe sigurinë e përmbajtjeve.
Ai nënvizoi se rihapja e platformës u realizua falë bashkëpunimit me kompaninë dhe ndryshimeve të ndërmarra prej saj, duke shtuar se vendimi i Gjykatës mund të inkurajojë shpifësit, ndërsa prindërit dhe mësuesit mund të ndihen më të lehtësuar.
Kujtojmë se vendimi për ta mbyllur TikTok ishte vetëm në letra, pasi në realitet nuk u arrit ky qëllim. Rrjeti social u përdor nga qytetarët masivisht duke ndryshuar VPN-n në telefon.
