Ish-deputetja Monika Kryemadhi është paraqitur në Gjykatën e Posaçme (GJKKO) për seancën e radhës në kuadër të dosjes së njohur si “Meta”.
Para se të hynte në ambientet e gjykatës, Kryemadhi u ndal për disa minuta para mediave, ku krahas komentit për procesin gjyqësor, nuk munguan edhe batutat lidhur me reality show-n “Big Brother”.
E pyetur për debatet brenda shtëpisë së “Big Brother”, ajo u përgjigj me ironi: “Sherrin te ‘Big’-u? Ja sa të mbarojmë gjyqin aty brenda dhe të diskutojmë pak në konferencë shtypi. Më thanë pse e mbani Rogertin aty brenda, thashë s’e mbaj unë, e mban publiku me vota”.
Seanca në GJKKO pritet të vijojë me shqyrtimin e çështjes në ngarkim të të pandehurve në këtë dosje.
